როგორ შევარჩიოთ წყლის ფილტრი? 

როდესაც საუბარია წყლის ფილტრებზე, მუდამ უნდა გვახსოვდეს, რომ სხვადასხვა ტიპის დამაბინძურებელი სხვადასხვა დამუშავების ტექნოლოგიას საჭიროებს; არც ერთ ტექნოლოგიას შეუძლია თანაბარი წარმატებით ებრძოლოს წყლის ხარისხთან დაკავშირებულ ბუნებრივ, თუ ადამიანის გავლენით გამოწვეულ ყველა პრობლემას. 

შესაბამისად, პირველ რიგში, წყლის ფილტრი და მისი ტექნოლოგია უნდა შევარჩიოთ სწორედ იმის მიხედვით, თუ რა მინერალებითა და დამაბინძურებლებით გაჯერებული წყალი მოედინება ჩვენს ონკანში. ამისათვის, შეგიძლიათ მოიკვლიოთ და გამოითხოვოთ წყლის ხარისხის შესახებ თქვენს რეგიონში საჯაროდ ხელმისაწვდომი ინფორმაცია (ასეთის არსებობის შემთხვევაში), ან თავად აიღოთ წყლის ლაბორატორიული ანალიზი. 

წყლის ფილტრები და მისი ტექნოლოგიები

საყოფაცხოვრებო მოხმარების წყლის ფილტრები წმენდის ტექნოლოგიის მრავალფეროვნებით გამოირჩევა. აქ, მნიშვნელოვანია სწორი არჩევანი გააკეთოთ სწორედ იმ პრობლემის გადასაჭრელად, რომელიც თქვენს სახლში არსებულ ონკანიდან გამოსულ წყალს შეიძლება პოტენციურად ახასიათებდეს. საქართველოში, და არა მხოლოდ, საკუთარი სახლისა და მრავალსართულიანი ბინისათვის განკუთვნილი წყლის დამუშავების რამდენიმე ტექნოლოგიაა გავრცელებული:

• გააქტიურებული ნახშირბადის ფილტრი
• უკუოსმოსის ფილტრი
• წყლის UV ფილტრი
• ქლორირება
• ოქსიდაცია და ფილტრაცია
• აერაცია
• დისტილაცია

მთლიანობაში კი, საყოფაცხოვრებო წყლის გამწმენდი ტექნოლოგიების უმეტესობა შეიძლება დაიყოს ოთხ ძირითად კატეგორიად: 

• მემბრანული ფილტრაცია
• ადსორბცია
• იონის გაცვლა
• დეზინფექცია

წყლის მემბრანული ფილტრები

ის, თუ რომელ დამაბინძურებლებს გაფილტრავს წყლის მემბრანული ფილტრი, დამოკიდებულია ფილტრის ფორების ზომაზე. ფორების ზომები, თავის მხრივ, 0,1 მიკრონიდან 0,0001 მიკრონამდე მერყეობს. ისეთი დაშლილი მინერალების მოცილება, როგორიცაა კალციუმი და მაგნიუმი, უმცირეს ფორებს (0,0001 მიკრონამდე)  მოითხოვს, ხოლო უფრო დიდი მიკროპლასტიკების მოცილება (5 მიკრონამდე) ბევრად უფრო დიდი ფორებითაა შესაძლებელი.

წყლის ადსორბციული ფილტრები

ადსორბციული ფილტრები – განსაკუთრებით გააქტიურებული ნახშირბადი – ძალიან მრავალფუნქციურია და გამოიყენება ისეთ ფართოდ გავრცელებულ წყლის გამწმენდ მოწყობილობებში, როგორიცაა წყლის ფილტრი დოქი. ადსორბციული ფილტრების გამოყენებისას, როდესაც წყალი გაედინება ფილტრში, დამაბინძურებლები ეკვრება ფილტრის შიგთავსს და შესაბამისად, იგი ეფექტურად აკავებს მათ. მსგავსი წყლის ფილტრი შექმნილია დამაბინძურებლების ფართო სპექტრის გასანეიტრალებლად. ხოლო, ის, თუ კონკრეტულად რა ტიპის დამაბინძურებლებს (მათ შორის: მძიმე ლითონებს, ორგანულ ნაერთებს და ა.შ.) გაფილტრავს მოწყობილობა, დამოკიდებულია ფილტრის შიგთავსზე. 

იონური ცვლის წყლის ფილტრები

იონური ცვლის წყლის ფილტრები, რომლებიც ძირითადად წყლის შესვლის წერტილის (point-of-entry) სისტემებად მოიხსენიება, ფისისგან დამზადებულ ბურთულებს შეიცავს, რომელთა ზედაპირზე იონებია მიმაგრებული. როდესაც დაბინძურებული წყალი ფისთან კონტაქტში შედის, ბურთულებზე არსებული იონები იცვლება წყალში არსებული არასასურველი იონებით. მაგალითად, წყლის დამარბილებლები არის კათიონთა მიმოცვლის ერთ-ერთი ტიპი, რომლებიც წყლის სიხისტის გამომწვევ იონებს, როგორიცაა კალციუმი და მაგნიუმი, ნატრიუმით ან კალიუმით ცვლიან.

დეზინფექცია

წყლის დეზინფექციის ტექნოლოგიები მხოლოდ მიკრობული რისკების აღმოსაფხვრელად გამოიყენება და მათი გამოყენება მიზანშეწონილია მაშინ, როდესაც წყალში ბაქტერიები და სხვა მიკროორგანიზმებია აღმოჩენილია. ამ კუთხით, მსოფლიოში გავრცელებული დეზინფექციის ტექნოლოგიებია ულტრაიისფერი (UV) დეზინფექცია და ქლორირება. 

რომელი წყლის ფილტრი არის თქვენთვის საუკეთესო?

როგორ შევარჩიოთ წყლის ფილტრი?

როგორც უკვე ზემოთ აღვნიშნეთ, თქვენთვის საუკეთესო წყლის ფილტრი დამოკიდებულია თქვენს საცხოვრებელს სახლში მომდინარე წყლის ხარისხსა და პირად საჭიროებებზე. სხვადასხვა გამწმენდი ტექნოლოგია განსხვავებული დამაბინძურებლების მოცილებისთვის გამოიყენება და თითოეულ მათგანს თავისი უპირატესობები და შეზღუდვები ახასიათებს.

თუ თქვენი მთავარი პრობლემა წყლის ქლორის გემო ან სუნია და თან, ყველაზე მარტივი გამოსავალი გსურთ იპოვოთ, მაშინ საუკეთესო ვარიანტი წყლის ფილტრი დოქია. ბაზარზე არსებული პროდუქციიდან, ზოგიერთი ასევე უფრო სერიოზულ დამაბინძურებლებსაც აშორებს, მაგალითად, როგორიცაა ტყვია და PFAS. 

თუ უფრო რთული დაბინძურება გაწუხებთ – მაგალითად, მძიმე მეტალები, PFAS, ან დეზინფექციის შედეგად წარმოქმნილი ნაერთები (DBPs, როგორიცაა ტრიჰალომეთანები და ჰალოაცეტატური მჟავები), მაშინ სასურველია უფრო კომპლექსური სისტემები შეიძინოთ, როგორიცაა უკუოსმოსი ან იონთა მიმოცვლის ფილტრი.

და ბოლოს, თუ გსურთ სრულად გააუმჯობესოთ თქვენი სახლის წყლის ხარისხი, ამ შემთხვევაში, უმჯობესია განიხილოთ მთლიანი სახლის წყლის ფილტრაციის სისტემა. მსგავსი ფილტრები სრულად წმენდენ თქვენს სახლში შემოსულ წყალს და საჭიროებენ პროფესიონალურ მონტაჟს, რასაც Nanofilter-ის პროფესიონალთა გუნდი სწრაფად და მარტივად მოგიგვარებთ.  აქ მარტივად შეიტყობთ თუ როგორ შევარჩიოთ წყლის ფილტრი და რა უპირატესობები აქვს მას ყოველდღიურ მოხმარებაში.  

წყლის ფილტრების უპირატესობებზე საინტერესო ფაქტების სანახავად შეგიძლიათ იხილოთ სტატია: https://www.aquasana.com/info/why-is-it-important-to-filter-water-pd.html#:~:text=Enhanced%20water%20taste%2C%20appearance%2C%20and,and%20a%20better%20overall%20taste.